Search




Madurai Kitchen Sleepless Night

தூக்கம் இல்லையா, இதை சாப்பிடுங்க தூக்கம் வரும்…. Health Tips

4015

Health Tips : தூக்கம் இல்லையா, இதை சாப்பிடுங்க தூக்கம் வரும்….

தூக்கம் (Sleep)…

 

மனஉளைச்சலாலும் வாழ்வியல் முறைமாற்றங்களாலும் தவறான உணவுப்பழக்கங்களாலும் இன்றைய சூழலில் எட்டு மணி நேரம் ஆழ்ந்து உறங்குவது என்பது அரிதாகிவிட்டது.

 

ஆழ்ந்த உறக்கத்துக்கு இனி ஆயிரக்கணக்கில் செலவழிக்கத் தேவையில்லை. சில உணவுகளுக்கு நல்லதூக்கம் தரும் தன்மை உண்டு.

Health Tips Sleepless Night

Health Tips Sleepless Night

Health Tips

பால்

 

இரவு தூங்கச் செல்லும் முன் இளஞ்சூடான பாலைக்குடிக்கலாம். பாலில் உள்ள அமினோ அமிலம் மூளையிலுள்ள நரம்பியக்கக் கடத்திகளைத் தூண்டுகிறது. அத்துடன் தூக்கத்தைத் தூண்டும் ஹார்மோனையும் அதிகரிக்கிறது. இதனால் இரவு முழுவதும் ஆழ்ந்து உறங்கலாம்.

 

பாதாம்

 

சிலருக்கு நடுஇரவில் பசியெடுப்பதால் தூக்கம் பாதிக்கப்படும். அவர்கள் இரவு உணவுக்குப் பின்பு நான்கு பாதாம் சாப்பிட்டால் நிறைவுத் தன்மை கிடைக்கும்.அத்துடன், இதிலுள்ள அமினோ அமிலம் மற்றும் மக்னீசியம் தசைகளைத் தளர்வாக வைத்திருப்பதால் நிம்மதியான தூக்கம் வரும்.

ஓட்ஸ்

 

ஓட்ஸ் மெலட்டோனின் எனும் ஹார்மோனை உற்பத்திசெய்வதுடன் தூக்கச் சுழற்சியை ஒழுங்குபடுத்துகிறது. ஒரு சிறிய கப் ஓட்ஸ், ஒரு கிளாஸ் பால், அரை டீஸ்பூன் தேன் சேர்த்து இரவு உணவுக்குப் பதிலாகச் சாப்பிட்டுப்பாருங்கள்.

 

காலையில் தூக்கக் கலக்கம் இல்லாமல் ஃப்ரெஷ்ஷாக இருப்பீர்கள். தேன், ரத்தத்திலுள்ள சர்க்கரையின் அளவை அதிகரித்து மூளையைத் தளர்வாக வைத்திருக்கிறது.

பச்சைக்காய்கறிகள்

 

உடலில் நீர்ச்சத்து குறைவதாலும், வைட்டமின் சி நிறைந்த உணவுகளைக் குறைவாகச் சாப்பிடுவதாலும், எண்ணெயில் பொரித்த உணவுகளை அதிகளவில்சாப்பிடுவதாலும் தூக்கமின்மை ஏற்படக்கூடும்.

 

ஆரஞ்சு,கீரை வகைகள், புரோக்கோலி, புதினா, குடமிளகாய்,முட்டைகோஸ், பட்டாணி போன்ற உணவு வகைகளைஅதிகளவில் சேர்த்துக்கொள்வது தூக்கத்துக்கு நல்லது.

புரத உணவுகள் மற்றும் அரிசி உணவுகள்

 

முட்டை, உலர் பழங்கள், வாழைப்பழம், தோல் நீக்கப்பட்டசிக்கன், சுண்டல் போன்ற புரதம் நிறைந்த உணவுகள், இவையனைத்தும் தூக்கத்துக்கு ஏற்ற உணவுகளாகும். அதேநேரத்தில் இத்துடன் மாவுச்சத்து நிறைந்த அரிசி உணவுகளையும் சேர்த்துச் சாப்பிடுவது அவசியம்.

 

ஏனெனில்,கார்போஹைட்ரேட் இன்சுலின் வெளியீட்டைஊக்கப்படுத்துகிறது. இது, ரத்த ஓட்டத்திலிருந்து தேவையற்ற அமினோ அமிலங்களை வெளியேற்றி,டிரிப்டோஃபன் அமினோ அமிலத்தை மூளைக்குஎடுத்துச்செல்ல உதவுகிறது.

தவிர்க்க வேண்டிய உணவுகள்

 

* தூங்கச் செல்வதற்கு 6 மணி நேரத்துக்கு முன்பாகவே காபி அல்லது டீ குடித்துவிட வேண்டும். இல்லையென்றால் வழக்கமாகத் தூங்கும்நேரத்தைக்காட்டிலும் தாமதமாகத்தான் தூக்கம் வரும்.

 

* இரவில் காரமான உணவுகளைச் சாப்பிடுவதை தவிர்க்க வேண்டும். அவை செரிமானக் கோளாறுகளைஉண்டாக்குவதோடு, உடலின் தட்பவெப்ப நிலையைஅதிகரிக்கச் செய்யும். இதனால், தூக்கம் தடைப்படும்.

 

– பிரபல மருத்துவ இதழ் பதிவின் சுருக்கம்.

 

மதுரை கிச்சன்

 



Leave a Reply

Your email address will not be published. Required fields are marked *